టెస్ట్ మ్యాచ్లో డే 3 సాధారణంగా టర్నింగ్ పాయింట్గా నిలుస్తుంది. కానీ ఈసారి, డే 3 పూర్తిగా దక్షిణాఫ్రికా ఆధిపత్యానికి అద్దం పట్టింది. ఐడెన్ మార్క్రామ్ చేసిన అద్భుత సూపర్మేన్ క్యాచ్, మార్కో జాన్సన్ వేసిన షార్ట్బాల్ తుఫాను ఈ రెండింటి కలయిక భారత బ్యాటింగ్ను పూర్తిగా కుదిపేసింది.
భారత్ యువ ప్రతిభ నితిశ్ రెడ్డి కాస్త సెటిల్ అవుతున్నట్లుగా కనిపించిన సమయంలో మ్యాచ్లో అత్యంత కీలకమైన మలుపు వచ్చింది. జాన్సన్ వేసిన లెంతీ షార్ట్బాల్, నితిశ్ రక్షణాత్మకంగా ఆడటానికి ప్రయత్నించగా, గాల్లోకి ఎగిరిన బంతిని సడెన్ రియాక్షన్తో మార్క్రామ్ సూపర్మేన్లా డైవ్ చేసి ఒడిసి పట్టుకున్నాడు.
అంత వేగంగా, అంత అద్భుతంగా క్యాచ్ పట్టడం చూస్తే—”ఇలా ఎవరు ఎగురతారు?” అనిపించక మానదు.
నితిశ్ ఔట్తో భారత బ్యాట్స్మెన్ల మీద ఒత్తిడి మరింత పెరిగింది. అదేక్రమంలో మార్కో జాన్సన్ తన ప్లాన్ను అద్భుతంగా అమలు చేశాడు, 140+ వేగంతో నిరంతర షార్ట్బాల్స్ తో బ్యాట్స్మెన్లను స్వల్ప తప్పిదానికి గురిచేయడం, రిథమ్ బద్దలవ్వడంతో వరుస వికెట్లు పడ్డాయి.
భారత బ్యాటింగ్ లైనప్లోనూ పానిక్ స్పష్టంగా కనిపించింది. పిచ్ బౌన్స్తో సహకరించడంతో, జాన్సన్ స్పెల్ “అన్ప్లేయబుల్”గా మారిపోయింది.
భారత జట్టు ఒక దశలో బాగానే కనిపించినప్పటికీ, నితిశ్ రెడ్డి వికెట్ భారత్ కుప్పకూలడానికి స్టార్టింగ్ పాయింట్గా మారింది ఆ వికెట్ తర్వాత తక్కువ స్కోరుకు 4 వికెట్లు కోల్పోయింది.
భారత బౌలర్లు ప్రతిస్పందన ఇవ్వడానికి సిద్ధంగా ఉన్నా, ఈ డే 3 బాట్స్మన్ కుప్పకూలడం మ్యాచ్ మొత్తం గతినే మార్చేసింది. తదుపరి రోజు ఫీల్డింగ్లో, బౌలింగ్లో ఇండియా ఎలా స్పందిస్తుందన్నది మ్యాచ్ ఫలితాన్ని నిర్ణయించవచ్చు.