భారత ఐటీ దిగ్గజం టాటా కన్సల్టెన్సీ సర్వీసెస్ (TCS) ఆర్టిఫిషియల్ ఇంటెలిజెన్స్ (AI) ఆధారిత భవిష్యత్తుకు పూర్తిగా సిద్ధమవుతోందని కంపెనీ చీఫ్ ఆపరేటింగ్ ఆఫీసర్ ఆర్తి సుబ్రమణియన్ వెల్లడించారు. వేగంగా మారుతున్న టెక్నాలజీ ప్రపంచంలో పోటీకి తగ్గట్టు ఉండేందుకు TCS ప్రస్తుతం రిబూట్ మోడ్లోకి వెళ్లిందని ఆమె స్పష్టం చేశారు.
డిజిటల్ ట్రాన్స్ఫర్మేషన్ తర్వాతి దశగా AI మారిందని ఆర్తి సుబ్రహ్మణియన్ తెలిపారు. అందుకే సంస్థ తన ఆపరేటింగ్ మోడల్, డెలివరీ విధానాలు, క్లయింట్ ఎంగేజ్మెంట్ స్ట్రాటజీలను AI కేంద్రంగా మళ్లీ రూపకల్పన చేస్తోందన్నారు.
AI లీడ్ ఫ్యూచర్లో మానవ వనరులే కీలకమని TCS భావిస్తోంది. ఈ నేపథ్యంలో ఉద్యోగులకు AI, జనరేటివ్ AI, డేటా సైన్స్ శిక్షణ, రీస్కిల్లింగ్ & అప్స్కిల్లింగ్ ప్రోగ్రామ్స్ విస్తరణ, కొత్త టాలెంట్ను AI-ఫస్ట్ మైండ్సెట్తో తయారు చేయడం వంటి చర్యలను కంపెనీ వేగవంతం చేస్తోంది.
AI ద్వారా కేవలం ఖర్చు తగ్గింపే కాకుండా, బిజినెస్ ఇన్నోవేషన్, ఫాస్టర్ డెసిషన్ మేకింగ్, ఆటోమేషన్ వంటి విలువలను క్లయింట్లకు అందించడమే లక్ష్యంగా TCS ముందుకు సాగుతోంది. AI సొల్యూషన్లు ఇకపై అదనపు ఫీచర్ కాదని, ప్రధాన వ్యాపార భాగమవుతాయని COO తెలిపారు.
గ్లోబల్ ఐటీ రంగంలో AI వేగంగా ప్రధాన పాత్ర పోషిస్తున్న వేళ, ముందుగానే మార్పులను స్వీకరించడం ద్వారా TCS తన లీడర్షిప్ స్థానాన్ని మరింత బలపరుచుకుంటుందని పరిశ్రమ నిపుణులు అభిప్రాయపడుతున్నారు. ఈ ‘రిబూట్’ వ్యూహం దీర్ఘకాలంలో కంపెనీ వృద్ధికి దోహదపడుతుందని అంటున్నారు.