Rangamarthanda Movie Telugu Review: కృష్ణ వంశీ తెలుగు ఇండస్ట్రీలో గొప్ప దర్శకుల్లో ఒకరు, అయితే మొగుడు, పైసా, గోవిందుడు అందరివాడేలే, మరియు నక్షత్రం వంటి చిత్రాలు డిజాస్టర్లుగా నిలిచాక , చాల విరామం తీసుకున్నాడు. అతని చివరి హిట్ 2009లో విడుదలైన మహాత్మా. సుదీర్ఘ విరామం తర్వాత, అతను రంగమార్తాండ అనే సినిమాతో మన ముందుకొచ్చాడు , ఇది నట సామ్రాట్ అనే మరాఠీ చిత్రానికి రీమేక్. ఇప్పటికే మేకర్స్ ఈ చిత్రాన్ని చాలా మంది సెలబ్రిటీలకు ప్రీమియర్స్ వేశారు మరియు వారు మంచి రివ్యూలని ఇవ్వడంతో మంచి బజ్ ని సొంతం చేసుకుంది, ఇక ఆ బజ్‌ను క్యారీ చేస్తూ, సినిమా ఎట్టకేలకు ఈరోజు విడుదలైంది మరియు ఎక్కువ సమయం వృధా చేయకుండా లోతైన సమీక్షలోకి వెళ్లి ఈ సినిమా చూడదగినదా కాదా తెలుసుకుందాం.
కథ
రాఘవ రావు (ప్రకాష్ రాజ్) రిటైర్డ్ థియేటర్ ఆర్టిస్ట్, అతను అనేక అవార్డులను గెలుచుకున్న గొప్ప నటుడు , పదవీ విరమణ తర్వాత, అతను తన కుటుంబంతో ప్రశాంతమైన జీవితాన్ని గడపాలని నిర్ణయించుకుంటాడు, అయితే రాఘవరావు, అతని ఇద్దరు పిల్లలకి ఆస్తి రాసిస్తాడు కానీ తరువాత వాళ్ళ మధ్య చిన్న గొడవ అవటంతో రాఘవ రావు మరియు అతని భార్య ఇల్లు వదిలి వెళ్ళిపోతారు, చివరగా, వారి వృద్ధాప్యంలో వారు ఎలా జీవించారు అనేది మిగిలిన కథను రూపొందిస్తుంది.
రంగమార్తాండ మూవీ నటీనటులు
ప్రకాష్ రాజ్, రమ్య కృష్ణన్, బ్రహ్మానందం, అనసూయ భరద్వాజ్, ఆదర్శ్ బాలకృష్ణ, రాహుల్ సిప్లిగంజ్, శివాత్మిక రాజశేఖర్, అలీ రెజా తదితరులు. ఈ చిత్రానికి కృష్ణ వంశీ దర్శకత్వం వహించారు, రాజ్ కె నల్లి సినిమాటోగ్రాఫర్, ఇళయరాజా సంగీతం సమకూర్చారు మరియు ఈ చిత్రాన్ని కలిపు మధు, ఎస్. వెంకట్ రెడ్డి నిర్మించారు.
| సినిమా పేరు | రంగమార్తాండ |
| దర్శకుడు | కృష్ణ వంశీ |
| నటీనటులు | ప్రకాష్ రాజ్, రమ్య కృష్ణన్, బ్రహ్మానందం, తదితరులు |
| నిర్మాతలు | కలిపు మధు, ఎస్. వెంకట్ రెడ్డి |
| సంగీతం | ఇళయరాజా |
| సినిమాటోగ్రఫీ | రాజ్ కె నల్లి |
| ఓటీటీ రిలీజ్ డేట్ | ధ్రువీకరించలేదు |
| ఓటీటీ ప్లాట్ ఫార్మ్ | ధ్రువీకరించలేదు |
రంగమార్తాండ సినిమా ఎలా ఉందంటే?
రంగమార్తాండ అనేది మరాఠీ సూపర్‌హిట్ చిత్రం నట సామ్రాట్ యొక్క రీమేక్, నట సామ్రాట్ అక్కడ మరాఠి లో బిగ్గెస్ట్ హిట్ అయ్యింది మరియు నానా పటేకర్ తన నటనతో వేరే లెవెల్ కి తీసుకెళ్లాడు. అయితే ఈ పాత్రను పోషించడానికి ఒక గొప్ప నటుడు కావాలి మరియు రంగమార్తాండ యొక్క అతిపెద్ద అసెట్ ప్రకాష్ రాజ్ అనడంలో ఎలాంటి సందేహం లేదు . చిత్రం చాల స్లో గా ప్రారంభమవుతుంది మరియు మూలా కథలోకి వెళ్లడానికి చాలానే సమయం తీసుకుంటుంది, కానీ ఒక్కసారి కథలోకి వెళ్ళాక వాస్తవిక ప్రదర్శనలు మరియు ప్రధాన భావోద్వేగం మిమ్మల్ని రంగమార్తాండ ప్రపంచంలోకి లాగి, దానిలో మిమ్మల్ని భాగస్వామినీ చేస్తాయి.
స్లో నేరేషన్ ఉన్నప్పటికీ, సినిమాలో అన్ని వర్గాల ప్రేక్షకులకు కనెక్ట్ అయ్యే అనేక అంశాలు ఉన్నాయి. సెకండ్ హాఫ్ లో డ్రాగ్-అవుట్ సీన్‌లతో ఫ్లాట్‌గా అనిపిస్తుంది కానీ వారి నటనతో అధియమెంత సమస్యగా అనిపించదు. ముఖ్యంగా ప్రకాష్ రాజ్, బ్రహ్మానందం మధ్య డైలాగ్స్ హార్ట్ టచింగ్ గా ఉండడమే కాకుండా మనల్ని కదిలిస్తాయి . మరాఠి చిత్రం అయినప్పటికీ తెలుగు ప్రేక్షకుల కోసం మేకర్స్ కొంత సినిమా స్వేచ్ఛను తీసుకుని మన అభిరుచికి తగ్గట్టు బాగా తీశారు. ఏది ఏమైనప్పటికి చివరి వరకు మిమ్మల్ని కట్టిపడేసే ఒక అంశం ఎమోషన్ మరియు క్లైమాక్స్ మిమ్మల్ని ఖచ్చితంగా ఏడిపిస్తుంది.
ప్రకాష్ రాజ్ నటన గురించి కొత్తగా మాట్లాడ్డానికి ఎం ఉంటుంది రాఘవరావు సినిమా మొత్తాన్ని తన భుజంపై మోసాడు అనడంలో ఎలాంటి సందేహం లేదు , ముఖ్యంగా భావోద్వేగ సన్నివేశాలలో అతను అద్భుతం మరియు అతను మనల్ని ఖచ్చితంగా ఏడిపిస్తాడు . బ్రహ్మానందంని ఇలాంటి పాత్రలో ఎన్నడూ చూడలేదు ఇక అతను తన నటనతో మెప్పించాడు , రమ్యకృష్ణ కూడా ప్రకాష్ రాజ్ పాత్రతో సమానమైన నిడివిని కలిగి ఉంది మరియు ఆమె తన వంతుగా బాగా చేసింది మరియు మిగిలిన తారాగణం, అనసూయ భరద్వాజ్, ఆదర్శ్ బాలకృష్ణ, రాహుల్ సిప్లిగంజ్, శివాత్మిక రాజశేఖర్, అలీ రెజా తమ వంతు కృషి చేశారు.
టాలెంటెడ్ డైరెక్టర్ కృష్ణ వంశీ నక్షత్రం తర్వాత చాలా గ్యాప్ తీసుకుని వచ్చాడు, అతను కుటుంబ చిత్రాలను తీయడంలో మరియు భావోద్వేగాలను రియాలిటీకి దగ్గరగా ఉండేలా క్యాప్చర్ చేసి తెరపైకి తేవడంలో బాగా ప్రసిద్ది చెందాడు, ఇక రంగమార్తాండలో కూడా అదే మ్యాజిక్ చూడవచ్చు. అతను రీమేక్‌తో మన ముందుకు వచ్చినప్పటికీ , అతను ఒరిజినల్ సబ్జెక్ట్‌కు కట్టుబడి, తెలుగు ప్రేక్షకుల అభిరుచికి తగ్గట్టు తెరపైకి ఎక్కించడంలో విజయం సాధించాడు.
టెక్నికల్‌గా రంగమార్తాండ బాగుంది కానీ ఇంకా బాగుండాల్సింది , రాజ్ కె నల్లి సినిమాటోగ్రఫీ పర్వాలేదు, ఇళయరాజా పాటలు చెప్పుకోదగ్గ స్థాయిలో లేవు కానీ అతని బ్యాక్‌గ్రౌండ్ స్కోర్ చాలా అద్భుతంగా ఉంది మరియు మిగతా టెక్నికల్ టీం బాగా చేసారు.
మొత్తంమీద, రంగమార్తాండ అద్భుతమైన ప్రదర్శనలతో కూడిన భావోద్వేగ కథ.
ప్లస్ పాయింట్లు:
- కథ
- నటన
- ఎమోషన్
మైనస్ పాయింట్లు:
- స్లో నేరేషన్